తేజేష్ రాజన్ హీరోగా పరిచయం అవుతున్న చిత్రం అమరం. తిరుఅరుల్ కృష్ణన్ దర్శకత్వం వహిస్తున్న ఈ చిత్రంలో హీరోయిన్గా ఐరా అగర్వాల్ నటించారు. తాజాగా ఈ చిత్రం టీజర్ రిలీజ్ చేశారు. ఇంటెన్స్ యాక్షన్తో టీజర్ ఆద్యంతం ఆకట్టుకుంది. ఓ గిరిజన స్మగ్లర్, కిల్లర్, ఓ యువతి ప్రయాణం చుట్టూ తిరిగే కథ ఇది. ఎర్రచందనం స్మగ్లర్ల జీవనశైలి, వారు ఎదుర్కొనే కష్టాలు, ప్రమాదాలు, వారి ప్రపంచంలో దాగి ఉన్న వాస్తవాలను ఈ టీజర్ బలంగా ప్రతిబింబిస్తుంది. ఈస్ట్రన్ ఘాట్స్ నేపథ్యంగా తెరకెక్కిన ఈ సినిమా అక్కడి సామాజిక సమస్యలను కూడా బలంగా చూపిస్తోంది. వెస్ట్రన్ ఘాట్స్లో కూడా కీలక సన్నివేశాలను చిత్రీకరించగా, కడప పరిసర ప్రాంతాల్లో భారీ సెట్స్ నిర్మించారు.